2017最後一篇💪小編祝大家除夕快樂🎉🎂
男讀者投稿《同老婆齊齊有產後憂鬱篇》
喺我老婆有左初期，我老母一早話我唔識湊架，你帶去老婆個邊鄉下湊啦。如果你地想係香港生同坐月，至多陪月錢我出。OK冇問題，你咁講我咪搵囉，搵到上黎簽約啦，又係度扮晒野左問右問，但又係問埋啲廢話。陪月既錢？梗係唔出聲扮唔記得啦。冇問題，小朋友係我生既，我唔會問你拎一分一毫囉。
係我老婆懷孕期間，問都唔問。湯水補品？自己買啦都係或者老婆返自己娘家先有。最經典講左句，你地間房放唔入BB床唔緊要，你放係走廊得架啦，一聽到BB喊我地會出黎抱架啦。我頂你個肺丫，BB12月出世，有時晚上都凍凍地，你要一個一個月大都冇既BB瞓走廊？你自己就係房高床軟枕，如果唔係自己呀媽，真係好想問佢幾時壽終正寢呀!
到生左喇，只不過係黎醫院打個卡就走人，湯水呀飯呀，自己叫外賣啦。我都好憎自己點解乜都唔識。。。
到平安夜出院，老豆老母竟然同我講去內地度食飯，大佬，我地新手，乜都唔識，你明知個孫出院仲出街？好在大家姐黎幫一幫手，否則我死梗。個晚我都唔知食乜好啦，走去買舊瘦肉試下整飯俾老婆食啦。。返到去，我見到我老母又爭住抱呀囡想品神咁，真係火都黎!
之後兩老又好似好趕住出門口，我大家姐都忍唔住話呀爸你幫幫細佬煮飯啦，佢真係好攰，回到一句係「做老豆既應該要攰下啦」OK u win，我老母仲勁，話你地煮多左既俾我聽晚食，我火都黎呀!
到第二日陪月黎啦，又扮熟咁係咁同人傾計，又查晒人家宅咁，我已經好想鬧佢喇!
呢兩三晚仲勁，個陪月煲定啲湯俾我老婆個晚同第二朝飲既，佢同我清晒佢一碗都冇留俾我老婆😡😡😡
退一步海闊天高。
Search